Талдықорғанда қалалық сот былтыр қаңтарда жергілікті тұрғынды азаптап өлтірді деп айыпталған Ұлттық қауіпсіздік қызметінің екі қызметкерін ұзақ мерзімге соттады, деп хабарлады Sputnik. кз

Жетісу облыстық сотының баспасөз қызметіне сілтеме жасап.

Тергеу материалдарына сәйкес, 2022 жылдың 8 қаңтарында қалалық полиция ғимаратында сотталушылардың бірі ұсталған адамға дене жарақатын салған. Салдарынан адам қайтыс болған. Бұл фактіні жасырған сотталушының серіктесі қылмысты жасырды деп айыпталды.

«Сотталушылардың кінәсі іс бойынша жиналған айғақтармен, куәлардың жауаптарымен және сот сараптамасының қорытындысымен дәлелденді. Сот үкімімен сотталушы Б. кінәлі деп танылып, 10 жылға бас бостандығынан айырылды. Сотталушы С.-ға 4 жылға бас бостандығын шектеу жазасы тағайындалды. Сотталғандардан жәбірленуші тараптың пайдасына моральдық залал келтіргені үшін 15 миллион теңге өндірілді», — деп жазылған сот таратқан хабарламада.

Сот отырысында сотталушылардың бірі ғана өз кінәсін мойындады. Екіншісі кінәсін мойындамай, соттан өзін ақтауды сұрады.

Сот үкімі әлі заңды күшіне енген жоқ.