Римдегі ойын 1:0 есебімен аяқталды. Жалғыз голды 39-минутта Маттео Пессина соқты. Ал 55-минутта Уэльс он ойыншымен қалды — Итан Ампаду алаңнан қуылды.

Дәл осы уақытта Бакуде Түркия мен Швейцария құрамаларының матчі өтті. Швейцария Түркияны 3:1 есебімен жеңді.

Алғашқы голды Харис Сефирович матчтің 6-минутында соқты. Шердан Шакири 26 және 69-минуттарда көзге түсті. Түркия құрамасы 62-минутта бір ғана гол соға алды — Ирфан Кахведжи командасының Еуропа чемпионатындағы жалғыз голының авторы атанды.

Енді Швейцарияның да топтан үшінші орынмен шығатын мүмкіндігі бар, бірақ топтық кезең толық біткенін күту қажет. Ал үш матчте де жеңілген Түркия құрамасы А тобында соңғы орын алды.