Әлеуметтік желілерде Түркістан облысында болған үйлену тойының видеосы тарап жатыр, — деп хабарлады Tengrinews.kz тілшісі.

Карантин кезінде отбасылық іс-шаралар өткізуге тыйым салынғандықтан полиция қазіргі уақытта видеодағы адамдарды іздестіріп жатыр.

«Үйлену тойы үйдің ауласында өткен, ал қонақтар пандемияға дейінгі тойлардағыдай өте көп. Қолданушылардың бірі үйлену тойын ұйымдастырған адамды айыптаса, өзгелері бұл жағдайға түсіністікпен қарайды», — делінген видеоның сипаттамасында.

«Полиция осы іс-шараның қашан және қайда өткенін анықтайды. Егер Той карантин кезінде өткен болса, онда той иелері Әкімшілік құқық бұзушылық туралы кодекстің  462-бабы, 3-бөлігі («Мемлекеттік бақылау және қадағалау органдары берген заңды талаптарды немесе қаулыларды орындамау немесе тиісінше орындамау») бойынша әкімшілік жауапкершілікке тартылады», — деді полицейлер.

https://kaz.tengrinews.kz/story/jelde-karantin-keznde-otken-uylenu-toyyinyin-videosyi-tarap-309544/