Аудан-ақпарат Басты ақпарат Жаңалықтар Көкейкесті Қоғам 

ШЫМКЕНТТЕ ҚОҒАМДЫҚ КӨЛІК ЖҮЙЕСІНІҢ ЖАҢА ТҰЖЫРЫМДАМАСЫ ҚАБЫЛДАНДЫ

831 рет оқылды 0

ШЫМКЕНТТЕ ҚОҒАМДЫҚ КӨЛІК ЖҮЙЕСІНІҢ ЖАҢА КОНЦЕПЦИЯСЫ ҚАБЫЛДАНДЫ

slider
Шымкент қаласы әкімдігінде қоғамдық көлік жүйесіне өзгерістер енгізу бойынша қала әкімі Мұрат Әйтеновтің қатысуымен жиын өтті. Онда «Astana LRT» компаниясы қала басшысына Шымкенттегі қоғамдық көлік кешенін модернизациялау бойынша жасалған тұжырымдамасын таныстырды.
Жаңа жүйе бойынша қоғамдық көліктердің жұмысы жақсарып, тиімділігі артады. Атап айтқанда, автобустарды мобильді қосымша арқылы бақылауға болады, жол ақысын электронды төлеуге мүмкіндік туады, жаңа бағыттар ашылады, цифрлық және интеллектуалдық жүйе енгізіледі.
Қала әкімі аталған тұжырымдаманы мақұлдап, жаңа жүйеге кезең кезеңімен көшуді және белгіленген мерзімде аяқтауды тапсырды.
-Бұл жүйе қала ішіндегі кептелістің азаюына, тұрғындардың діттеген жеріне тез жетуіне, жемқорлықтың алдын алуға, «Smart city» жүйесіне тезірек көшуге мүмкіндік береді,-деді М.Әйтенов.
Аталған концепция тұрғындардың қауіпсіздігін қамтамасыз етуге де үлкен септігін тигізеді. Енді жүргізушілер арнайы курстардан өтіп, кондукторлардың қызметі қатаң тексерілетін болады. Сондай-ақ диспетчерлеу арқылы автобус арасындағы жиілік сақталып, аялдамаға тоқтамайтын жүргізушілер қадағаланады. Бұдан бөлек, сауда орталықтары мен мектеп және басқа да адам көп шоғырланатын аялдамалар реттеліп, шағынаудандарға қатынау жеңілдейді.

Шымкент қаласы әкімінің баспасөз қызметі

Сізге ұнауы мүмкін...

ТҮРКІСТАН ОБЛЫСЫ ТҮРКИЯ КӘСІПКЕРЛЕРІМЕН ЖҰМЫС ІСТЕУГЕ ДАЙЫН

ШЫМКЕНТ: «ТӨЛЕМ» ЭЛЕКТРОНДЫ ТӨЛЕМАҚЫ ЖҮЙЕСІ ІСКЕ ҚОСЫЛДЫ

Нұр-Сұлтан және Алматы қалаларында 30 наурыз бен 5 сәуір аралығында кәсіпорындар мен ұйымдардың жұмысы уақытша тоқтатылады

Добавить комментарий

Ваш e-mail не будет опубликован. Обязательные поля помечены *