ҚР Президенті: Елдегі эпидемиялық жағдай бақылауда

ҚР Президенті: Елдегі эпидемиялық жағдай бақылауда

НҰР-СҰЛТАН. ҚазАқпарат – Бәріміз бірге жұмыла күрессек коронавирусты жеңеміз. ҚР Президенті Қасым-Жомарт осылай мәлім етті, деп хабарлайды ҚазАқпарат.

«Коронавирусқа шалдыққан екі азаматымыз емделіп, ертең ауруханадан шығады. Жалпы, елдегі эпидемиялық жағдай бақылауда.

Бәріміз бірге жұмыла күрессек, індетті жеңеміз. Ең бастысы – уайымдамай, дәрігерлердің талаптарын орындау», деп жазды Мемлекет басшысы Twitter-дегі парақшасында.

ҚР Президенті коронавирус инфекциясымен күресіп жатқан қызметкерлерге алғыс білдірді.

«Халықтың денсаулығы үшін аянбай еңбек етіп жатқан дәрігерлерге, полиция қызметкерлері мен әскери қызметшілерге ризашылығымды білдіремін.

#Birgemiz!», — деді Президент. Еске сала кетсек, Қазақстанда екі емделуші коронавирустан жазылған еді.

https://www.inform.kz/kz/kr-prezidenti-eldegi-epidemiyalyk-zhagday-bakylauda_a3629269