Қазақстанда утилизациялық алым төмендейді
Қазақстанда утилизациялық алым төмендейді
© Sputnik
Елордада мемлекет басшысы Қасым-Жомарт Тоқаевтың төрағалығымен үкіметтің кеңейтілген отырысы өтіп жатыр
Қазақстанда утилизациялық алым ставкасы төмендейді. Бұл туралы үкімет басшысы Әлихан Смайылов мәлімдеді, деп хабарлады Sputnik Қазақстан тілшісі.
«Автокөлік пен ауыл шаруашылығы техникасынан алынатын утилизациялық алым ставкасын әжептәуір төмендету көзделіп отыр», — деді Смайылов үкіметтің кеңейтілген отырысында.
Сонымен қатар, премьер қоршаған ортаны ластайтын заттарды төмендетуге, қалдықтар мен су ресурстарын басқару жүйесін, жетілдіру, көлдерді қалпына келтіруге бағытталған шараларды жүзеге асырылып жатқанын атап өтті.
Бұдан бөлек, айтуынша, технологиялық қажеттіліктер үшін тұщы суды тұтынуды азайту, қоқыс орындарының санын қысқарту шаралары жүргізіледі.
Елордада мемлекет басшысы Қасым-Жомарт Тоқаевтың төрағалығымен үкіметтің кеңейтілген отырысы өтіп жатыр. Жиын барысында Қазақстанның былтырғы әлеуметтік-экономикалық дамуының қорытындылары туралы есеп беріледі және үкіметтің 2022 жылға арналған іс-қимыл жоспары қарастырылады.
