Түркістан қаласындағы жаңа мұнара қала жұртшылығы мен қонақтары үшін ерекше орынға айналғалы тұр. Бұрынғы су мұнарасы жаңартылып, айналасы абаттандырылған. Түркістан облысының әкімі Өмірзақ Шөкеев жаңа демалыс аумағында болып, онда атқарылған жұмыстармен танысты. Мұнара жаңартылған соң оның ең төбесіне шығып, арнайы дүрбі арқылы Түркістанды тамашалауға болады. Шаһардың көрікті келбетін, әсіресе Ясауи кесенесін биіктен көруге арналған алаңы бар. Сонымен қатар жан-жағы абаттандырылып, әдемі аллеяға айналып келеді. 1901 жылы салынған тарихи мұнара жаңаша кейіпке еніп, туристерге тартымды нысанға айналмақ.