Нилуфар Азиз есімді тәжікстандық журналист Facebook желісіндегі парақшасында 12 минуттық «Дурбини ҳақиқат» («Шындық камерасы») деректі фильмін бөлісті. Фильмде Тәжікстан президенті Эмомали Рахмонға жасалған қастандық таспаланған, — деп хабарлады «Ахбор».

Басылым мәліметінше, бұл кадрлар алғаш рет жарияланған. Видео президенттің баспасөз қызметінің архивінен және күзет қызметінен алынған болуы керек.

Фильм авторының сөзінше, аяғынан жарақат алған Рахмон дәрігерлердің қарауынан кейін жарты сағаттан соң залға оралып, келген қонақтар алдында сөз сөйлеген.

Президентке қастандық жасады деген айыппен бірнеше адам, оның ішінде, Тайсон лақап атымен белгілі бұрынғы спортшы Хуршед Абдушукуров пен Тәжікстанның бұрынғы премьер-министрі Абдумалик Абдуллоджановтың інісі Абдулло Абдулладжанов та бар. Тайсон қастандық жасаған кезде қайтыс болған, тағы екі адам өлім жазасына кесілген.