Балқаштықтар «Қазпошта» бөлімшесінің ғимаратында төбелескен екі қыздың видеосын белсенді талқылап жатыр, — деп хабарлады Tengrinews.kz тілшісі.

Әлеуметтік желілерде екі қыздың төбелесіп жатқан жері түскен бейнежазба тарап жатыр. Видео сипаттамасына қарағанда, оқиға Балқаш қаласындағы «Қазпошта» бөлімшесінде болып жатыр.

Роликте «Қазпошта» операторы және онда тағылымдамадан өтіп жүрген қыз болып шықты. Олар не үшін жанжалдасқаны белгісіз.

«Бұл оқиға шынымен Балқаштағы бөлімшелеріміздің бірінде болды. Жанжалды стажер қыз шығарған. Ол операторға шабуыл жасаған, ал біреу оны камераға түсірген. Біз мәселені шештік. Стажер жұмысынан шеттетілді, операторға сөгіс жарияланды. Қазір барлық бөлімшелер бойынша қызметкерлермен профилактикалық әңгіме өткізіп, клиенттерге сапалы қызмет көрсету бойынша оқытып жатырмыз», — деп хабарлады «Қазпочта» АҚ баспасөз қызметі.

Қарағанды облысы полиция департаменті баспасөз қызметінің мәліметтеріне сәйкес, қақтығысқа қатысушылардың екеуі де жергілікті полиция бөліміне жазбаша өтініш қалдырған.

«1983 және 1997 жылғы екі қыздың арыздары полицияда тіркелді. Мән-жай анықталып жатыр. Тексеру нәтижесі бойынша процессуалдық шешім қабылданады», — деп атап өтті Қарағанды облысы ПД баспасөз қызметінің өкілі.

https://kaz.tengrinews.kz/kazakhstan_news/jelde-kazposhta-bolmshesnde-tobelesken-kyizdardyin-videosyi-309253/