М.ӘЙТЕНОВ ЖЕДЕЛ ӘРЕКЕТ ЕТУ ШТАБЫНЫҢ ОТЫРЫСЫН ӨТКІЗДІ
М.ӘЙТЕНОВ ЖЕДЕЛ ӘРЕКЕТ ЕТУ ШТАБЫНЫҢ ОТЫРЫСЫН ӨТКІЗДІ
Шымкент қаласының әкімі Мұрат Әйтенов қаладағы әлеуметтік-экономикалық жағдайдың тұрақтылығын сақтауға байланысты жедел әрекет ету штабының отырысын өткізді.
Әлемдік экономиканың ағымдағы жағдайына байланысты Мемлекет басшысы жедел кеңес өткізіп, нақты тапсырмалар бергенін айтқан қала әкімі күні кеше Шымкенттегі сауда орталығына барып, тауарлардың бағасын қадағалады. Одан бөлек, азық-түлік қоймаларына барып, жағдайдың тұрақты болуын қамтамасыз етуді қатаң талап етті. Ең бастысы азық-түлік пен бірінші кезектегі қажетті тауарлар мен жанар-жағар май бағасының негізсіз өсуіне жол бермеу қажеттігін айтты.
«Бұл мәселе бойынша тұрғындардың алаңдауларына еш негіз жоқ. Азық-түлік қоймаларда жеткілікті. Десек те, біз тиісті жұмыстарды атқарып, ешқандай келеңсіздікке жол бермеуіміз керек», — деді Мұрат Дүйсенбекұлы.
Әкім сала жетекшілеріне тауарлар мен қызметтер, тарифтер мен коммуналды қызметтер бағасын бақылап, еңбек нарығында тұрақтылықты сақтау және жағдайға мониторинг жасап отыруды жүктеді.
Шымкент қаласы әкімінің баспасөз қызметі