Қазақстан коронавирус бойынша ең қауіпті елдердің жаңартылған тізімін жариялады

Еліміздің бас санитарлық дәрігері Жандарбек Бекшин коронавирустың таралуына орай қауіпті елдердің тізімі өзгертілген жарлыққа қол қойды деп хабарлайды KAZ.NUR.KZ.

Фото: РИА Новости/ Александр Кряжев

Бас санитарлық дәрігердің жаңа жарлығы 7 наурыздан бастап күшіне енді.

Өзге елдерден келген қазақстандықтар барлық жазылған ережелер мен сақтық шараларын сақтауы тиіс. Атап айтқанда, олар медициналық мекемеде карантиннен өтіп, сондай-ақ үйде дәрігерлердің бақылауында болуы керек.

Аталған іс-шаралар коронавирустың республика аумағына таралуының алдын алу мақсатында қабылданып отыр.

Сонымен, COVID-19 бойынша ең қауіпті елдер тізімі:

1А санаты (медициналық мекемеде міндетті карантин) – ҚХР, Иран, Оңтүстік Корея; 1Б санаты (екі апта үйдегі карантин) – Италия.

Екінші санат – Германия, Испания.

Үшінші санат – Жапония, Таиланд, БАӘ, Франция, Швеция, Малайзия, АҚШ, Сингапур, Кувейт, Бахрейн, Ирак, Ұлыбритания, Швейцария, Сирия, Гонконг.

Айта кетейік, бұған дейін жалпы алғанда әлем бойынша 100 мыңнан астам жанның коронавирус жұқтырғанын, ал осы дерттің салдарынан 3,4 мың адамның қайтыс болған.