ТҮРКІСТАНДА ШЫҒЫСТЫҚ ҮЛГІДЕГІ АВТОБЕКЕТ АШЫЛДЫ

Түркістан қаласында салынған автовокзалға тапсырыс беруші «Қасиет Транзит Сервис» ЖШС.Мердігер мекеме – «ЮгСтройконструкция» ЖШС. Нысанның құрылысы биыл, яғни 2019 жылдың сәуір айында басталып, 2019 жылдың тамыз айында құрылыс жұмыстары аяқталып, халық игілігіне пайдалануға берілді. Халықаралық автобекет Кентау қаласына қарасты Шаға ауылында орналасқан. Шығыс үлгісінде салынып жатқан нысанның жалпы аумағы2,4 га құрайды. Жоспарға сай, 600 автобусқа арнайы 15 тұрақ қарастырылған.

Тәулігіне 10-мың адамға дейін қызмет көрсете алады. ЕліміздіңАлматы, Нұр-Сұлтан секілді бағыттарымен қатар, облыстың өзгеде аудан қалаларына жүргізілетін болады. Нысанның ішінде ана мен бала бөлмесі, күту залы, асхана, тынығатын орындармен қамтылған. Сондай-ақ автовокзал аумағында барлық стандартқа сай автокөлік жуу орны, техникалық қызмет көрсету орындары ашылу жоспарланып отыр.

Түркістан облысы әкімінің баспаксөз қызметі