Президент: Сайлау елді бөлетін емес, біріктіретін науқан болуы керек
![Возможно, это изображение 1 человек и текст](https://scontent.fala5-2.fna.fbcdn.net/v/t39.30808-6/326962420_5660743300701893_7629980132950375575_n.jpg?stp=dst-jpg_s640x640&_nc_cat=106&ccb=1-7&_nc_sid=8bfeb9&_nc_ohc=UkOnvnhnR-EAX-ZM0Au&_nc_ht=scontent.fala5-2.fna&oh=00_AfA8a6_PGKX6emrVXXBgmqTGb7n2bGiqOvG7ic6MXU3UIg&oe=63D9079A)
«Бірнеше аптадан кейін саяси науқан басталады. Кандидаттар үгіт-насихат жұмысына кіріседі. Олар дауыс жинау үшін түрлі тәсілдерді қолданады. Бұл – қалыпты демократиялық үдеріс.
Қазақстанда пікір алуандығына ешқандай шектеу қойылмайды. Заңға қайшы келмейтін барлық іс-әрекетке рұқсат беріледі. Дегенмен, бір нәрсені бәріміз қаперде ұстауымыз керек. Сайлау елді бөлетін емес, біріктіретін науқан болуы керек.
Тағы да айтқым келеді: үміткерлер қоғамға іріткі салатын әрекеттен аулақ болғаны жөн. Аңдамай айтылған артық сөз немесе ойланбай жасалған оқыс қадам бүкіл елдің болашағына кесірін тигізеді. Әрбір отандасымыз осыны дұрыс түсінуге тиіс», – деді Қасым-Жомарт Тоқаев Сенат отырысында.