Алдағы сайлаудың басты он ерекшелігі:
![](https://scontent.fala5-2.fna.fbcdn.net/v/t39.30808-6/327599663_5841458049302329_1105247306847671873_n.jpg?stp=dst-jpg_p600x600&_nc_cat=111&ccb=1-7&_nc_sid=8bfeb9&_nc_ohc=9w3l3rlaMXsAX8KVAHA&_nc_ht=scontent.fala5-2.fna&oh=00_AfBkP7RQ8V6R6jvu8aIFn04uLHx2MbpVEk5szXthMEHHDw&oe=63D899E2)
1. 2004 жылдан кейін алғаш рет Мәжіліске депутаттар бір мандатты округтер арқылы сайланады (98 депутаттың 29-ы);
2. Үміткерлерге партиялар мен Үкіметтік емес ұйымдар атынан ғана емес, өзін өзі ұсынуға мүмкіндік туды;
3. Бұл кезектен тыс сайлау болғанымен, оның өтетін мерзімі жарты жыл бұрын белгілі болды;
4. Партиялардың Парламентке өтуі үшін белгіленген төменгі шегі 7 пайыздан 5 пайызға төмендетілді;
5. Әйелдер, жастар және ерекше мұқтаждығы бар адамдар үшін қарастырылған 30 пайыздық квота партиялық тізім мен мандаттардың бөлінісі кезінде сақталады;
![](https://scontent.fala5-2.fna.fbcdn.net/v/t39.30808-6/327581031_732430338187455_626095282112527657_n.jpg?stp=dst-jpg_p600x600&_nc_cat=107&ccb=1-7&_nc_sid=8bfeb9&_nc_ohc=gbjPyoV8NKcAX9HPpkw&_nc_ht=scontent.fala5-2.fna&oh=00_AfCa5Yed7eB2CXQK4TizitIuXHv80RpYgL_DC5jKrhsELA&oe=63D766FC)
6. Мәжілістің жаңа құрамында Қазақстан халқы Ассамблеясының квотасы болмайды;
7. Алғаш рет Мәжіліс пен мәслихаттар сайлауында «бәріне қарсымын» деген баған сайлау бюллетендеріне енгізіледі;
8. Сайлауға 7 саяси партия қатысуға құқылы. Оның екеуі партиялар туралы заңның жаңа нормалары күшіне енгеннен кейін тіркелді;
9. Облыстардағы аймақтық сайлау комиссиялары енді кәсіби түрде жұмыс істейді;
10. Сайлаушылар бес бюллетень бойынша дауыс береді (республикалық маңызы бар қалалардағы бюллетень саны төртеу).