ТҮРКІСТАН: СОЗАҚТА ЖАБЫҚ ФУТБОЛ АЛАҢЫ АШЫЛДЫ
ТҮРКІСТАН: СОЗАҚТА ЖАБЫҚ ФУТБОЛ АЛАҢЫ АШЫЛДЫ
Түркістан облысы, Созақ ауданы, Созақ ауылында заманауи үлгідегі «Бәжібай ата» атындағы жабық футбол алаңы ашылды.
Кіші футболға арналған алаңды ауыл азаматы, кәсіпкер Нұрлыбек Қонақов өз қаржысына салды. Жасанды алаң, жабық ғимарат, кез-келген мезгілде доп тебуге ыңғайлы. Мұнда киім ауыстыратын және жуынатын бөлме бар.
Футбол алаңының ашылуына аудандық дене шынықтыру және спорт бөлімінің қызметкерлері мен ауыл азаматтары, спортсүйер қауым қатысты. Ашылу салтанаты аясында аудандық турнир ұйымдастырылып, оған 20 команда қатысып, бақ сынасты.
Жарыс жеңімпазы мен жүлдегер командаларға, үздік ойыншыларға демеушілер тарапынан құрмет көрсетілді.
«Бәжібай ата» атындағы жабық футбол алаңы аудан көлемінде түрлі жауапты жарыстар өтетін орынға айналады деген жоспар бар.
Түркістан облысы әкімінің баспасөз қызметі