ШЫМКЕНТТІК ТАЭКВОНДОШЫЛАР АЗИЯ ЧЕМПИОНАТЫНЫҢ ЖҮЛДЕГЕРЛЕРІ АТАНДЫ

ШЫМКЕНТТІК ТАЭКВОНДОШЫЛАР АЗИЯ ЧЕМПИОНАТЫНЫҢ ЖҮЛДЕГЕРЛЕРІ АТАНДЫ

Бұл күндері Ливанда (Бейрут) таэквондодан Азия чемпионаты өтіп жатыр. Ерлер арасында бақ сынаған Шымкент қаласының спортшылары екі жүлдеге қол жеткізді.

87 келіде сынға түскен Смайыл Дүйсебай Азия чемпионатында күміс жүлдеге ие болды. Ол финалда Оңтүстік Корея өкіліне 8:10 есебімен жол берді. Смайыл ширек финалда Иран спортшысын 15:8, жартылай финалда сириялық қарсыласын 30:6 есебімен жеңген еді.

Сондай-ақ, 54 келіде Самат Темірхан құрлық чемпионатының қола жүлдегері атанды.

Азия чемпионаты 15-18 маусым аралығында өтеді деп жоспарланған. Айта кетсек, бұл сынға Шымкент қаласынан төрт спортшы қатысатын болды. Олар – Смайыл Дүйсебай (87 келі), Нұрқанат Қожахмет (74 келі), Самат Темірхан (54 келі) және Зияда Ирисматова (46 келі).

Шымкент қаласы әкімдігінің баспасөз қызметі