Түркістан облысында «Ashyq» бағдарламасы арқылы оқшаудағы 14 азамат анықталды
Түркістан облысында «Ashyq» бағдарламасы арқылы оқшаудағы 14 азамат анықталды
Түркістан облысында 20-мамыр мен 2-маусым аралығында оқшаулау режимін бұзған 14 жағдай тіркелді. «Ashyq» ақпараттық платформасының арқасында он бір азаматтың коронавируспен ауырған науқастармен байланыста болғандығы, үш адамда қызыл түс белгісі жанып, сovid-19 инфекциясымен ауырғандығы анықталған. Оқшаулау режимінде екендігін біле тұра қоғамдық орындарды емін-еркін аралауға бел буған азаматтардың нысанға кіруіне жол берілмеді.
Өзінің ғана емес, айналасындағы адамдардың да денсаулығына қауіп төндіру жағдайының алдын-алу, азаматтардың жауапкершілігін арттыру мақсатында ҚР Бас мемлекеттік санитариялық дәрігерінің №26 Қаулысына сәйкес, 2021 жылдың 10- маусымынан бастап күшіне енетін ереже бойынша, оқшаулау режимін бұзып, «қызыл белгі» анықталған азаматтарға ӘҚБтК-нің 802-бап, 30 АЕК немесе 87500 теңге айыппұл салынатындығын ескертеміз. Облыстың санитариялық дәрігерлері карантин талаптарын сақтауға, оқшаулау режимін бұзбауға шақырады. Қосып өтейік, қазіргі таңда өңірде 350 нысан «Ashyq» бағдарламасын енгізіп, тағы 456 нысаннан сұраныс келіп түскен
Түркістан облысының санитариялық-эпидемиологиялық бақылау департаментінің баспасөз қызметі