ПАНДЕМИЯ БАСТАЛҒАЛЫ БЕРІ ШЫМКЕНТТЕ 9528 АДАМ КОРОНАВИРУС ІНДЕТІНЕН ЕМДЕЛІП ШЫҚҚАН
ПАНДЕМИЯ БАСТАЛҒАЛЫ БЕРІ ШЫМКЕНТТЕ 9528 АДАМ КОРОНАВИРУС ІНДЕТІНЕН ЕМДЕЛІП ШЫҚҚАН
Шымкент қаласында коронавирус пандемиясы басталғаннан 10 931 жағдайы тіркелген. Оның ішінде 6156 симптоммен болса, 4775 симптомсыз. Емделіп шыққандар саны – 9528, қайтыс болғандар –55. Бұл туралы бүгін Үкімет отырысында қала әкімі Мұрат Әйтенов айтты.
«18 мамырға COVID-19 инфекциясын жұқтырудың 30 жағдайы тіркелді. Оның 24 симптоммен, 6 симптомсыз. 1 269 адам емделуде, оның ішінде 940 үйлерінде карантин режимінде. Соңғы 14 күнде «COVID-19» жұқтырған науқастармен қатынаста болған 2 620 азамат амбулаторлық бақылауда. Қала тұрғындарына қызмет көрсететін 11 ПТР зертханасы жұмыс жасауда. Зертханаларда 1 күнде 6200 тест жасауға мүмкіндік бар. Барлығы 405 702 ПТР тест өткізілді. 17 мамырда 685 ПТР тест жасалған»,-деді қала әкімі.
Әкімнің айтуынша, қалада мамандандырылған инфекциялық 1406 төсек-орын бар. Стационарда 679 азамат ем қабылдауда (КВИ – 329, пневмония –345, ЖРВИ – 5). Төсек-орын толымдылығы 48% құрайды, 727 төсек орны бос. Жаңсақтау бөлімінде 159 төсек орын бар, онда 76 азамат ем қабылдауда екен. Ал, эпидемиологиялық жағдай нашарлағанда төсек-орындардың саны 5 416-ға жеткізілетінін атап өтті.
Шымкент қаласы әкімдігінің баспасөз қызметі