ШЫМКЕНТТЕ БИЫЛ 10 ЕЛДІ МЕКЕН САПАЛЫ ЭЛЕКТРМЕН ҚАМТЫЛАДЫ
ШЫМКЕНТТЕ БИЫЛ 10 ЕЛДІ МЕКЕН САПАЛЫ ЭЛЕКТРМЕН ҚАМТЫЛАДЫ
Шымкент қаласында 2020 жылы 13 елді мекен сапалы электрмен қамтылып, көрсеткіш 95% құраған. Қаладағы 81 елді мекеннің 65-іне сапалы электр тартылған, 16-сы жекеменшік трансформатордан жарық алып отыр. Бұл аумақтарда электр сапасын жақсарту мақсатында биыл 16 нысанның құрылысы жүргізіледі.
Жыл соңына дейін Достық, Жаңаталап, Қайнар бұлақ, Солтүстік саяжай, Ынтымақ-2, Айкөл, Игілік, Тәуелсіздікке 20 жыл, Жалын, Ақжар елді мекендерін сапалы электр қуатымен қамтылып, жалпы көрсеткіш 95%-дан 97 пайызға жетеді.
2022 жылы сапалы жарықпен қамтылатын Бозарық-2, Батыс, Достық, Тұран, Нұртас шағын аудандары мен Сәуле 276 орамының құрылысына жобалық сметалық құжаты әзірленген.
Қаланы үздіксіз электр энергиясымен қамту мақсатында 2022-2025 жылдары 3 қосалқы станциясын салу жоспарланған. Оның ішінде 110 кВ «Ынтымақ» құрылыс-монтаж жұмысына бюджеттен 6 млрд теңге қаралса, 220 кВ «Қызылсу» мен «Нұрлы» қосалқы санциясын мемлекеттік-жекешелік әріптестік аясында қарастырылып отыр.
Шымкент қаласы әкімдігінің баспасөз қызметі
