Қазақстанның солтүстігінде жақын күндері қар жаууы мүмкін. Бұл туралы Қазгидромет хабарлады,деп жазды Sputnik.кз

«Алдағы үш күнде Қазақстан аумағының басым бөлігінде жел күшейіп, ауа температурасы төмендейді, жаңбыр жауады деп болжанып отыр», — делінген хабарламада.

Синоптиктердің мәліметінше, еліміздің солтүстігінде аптаның ортасында жаңбыр жауып, соңы қарға ұласуы мүмкін.

«Республиканың батысында ғана жауын-шашын тоқтайды», — деп болжады мамандар.

Айта кетейік, 21 қыркүйекте республиканың он өңірінде, атап айтқанда, Солтүстік Қазақстан, Қостанай, Қарағанды, Атырау, Ақтөбе, Қызылорда, Батыс Қазақстан, Жамбыл және Ақмола облыстары мен Нұр-Сұлтан қаласында дабылды ескерту жарияланды.