Денсаулық сақтау вице-министрі ұсталды: қылмыстық істің мән-жайы белгілі болды

2 тамызда экономикалық тергеу қызметі денсаулық сақтау вице-министрі Олжас Әбішевтің ұсталғанын растаған болатын

 Қазақстанның бұрынғы денсаулық вице-министрі Олжас Әбішевке 500 миллион теңгеден астам бюджеттік қаржыны ысырап етті деген айып тағылды, деп хабарлады Sputnik Қазақстан тілшісі.

«Қазіргі кезде бұрынғы вице-министр Әбішевке қатысты тергеу шаралары жүргізіліп жатыр. Ол ақпараттық жүйелерді жасауға бөлінген 500 миллион теңгеден астам қаржыны ысырап еткені үшін айыпталып отыр», — деді қаржы министрлігінің қаржы мониторингі комитетінің төрағасы Жанат Еламанов орталық коммуникациялар қызметінде өткен онлайн брифингте.

Комитет басшысы осы қылмыстық істің мән-жайын да айтып берді. Оның айтуынша, бұрынғы вице-министр ақпараттық жүйелерді құру шаралары аяқталмаса да, атқарылған жұмыстар туралы актіге қол қойған.

«Сол кезде ақша толығымен төленді. Бірақ пайдалануға берілген ақпараттық жүйе жұмыс істеп тұрған жоқ. Осылайша, бюджетке ірі көлемде шығын келді. Бұл қылмыс пандемияға дейін, нақты айтсақ, 2018 жылдың аяғында жасалған», — деп атап көрсетті Еламанов.

Айта кетейік, 2 тамызда экономикалық тергеу қызметі денсаулық сақтау вице-министрі Олжас Әбішевтің ұсталғанын растады. Ол бюджет қаржысын жымқырды деген күдікке ілінді.

Олжас Әбішев денсаулық сақтау вице-министрі қызметіне 2018 жылы тағайындалған болатын. Ол цифрландыру және ақпараттық қауіпсіздік мәселелері саласына жетекшілік етті.

https://sputniknews.kz/society/20200921/15010787/densaulyk-vitse-ministr-ayyp.html

Добавить комментарий

Ваш e-mail не будет опубликован. Обязательные поля помечены *