ӨМІРЗАҚ ШӨКЕЕВ: ҚҰРЫЛЫС АЛАҢДАРЫНДА САҚТЫҚ ШАРАЛАРЫ ҚАТАҢ ҚАДАҒАЛАНУЫ ТИІС
ӨМІРЗАҚ ШӨКЕЕВ: ҚҰРЫЛЫС АЛАҢДАРЫНДА САҚТЫҚ ШАРАЛАРЫ ҚАТАҢ ҚАДАҒАЛАНУЫ ТИІС
Облыс әкімі Өмірзақ Шөкеев Түркістан қаласындағы әкімшілік-іскерлік орталығы аумағында бой көтерген тұрғын үйлер мен «RIXOS» және Хэмптон қонақ үйлері, Керуен сарай, кітапхана, Тұңғыш Президент саябағы мен «Әзірет-Сұлтан» қорық мұражайындағы құрылыс және абаттандыру жұмыстарының барысын бақылады.
Құрылыс алаңына айналған көне шаһарда құрылыс жұмыстары бір сәтке де тоқтамақ емес. Облыс әкімі Өмірзақ Шөкеев шаһардағы құрылыс нысандарын аралап, құрылысшылардың жұмыс жағдайына аса мән берді. Барлық жұмыстар уақытылы әрі санитарлық талапқа сай жүргізілуі тиіс деді аймақ басшысы.
Өмірзақ Естайұлы бұдан соң қала көшелеріндегі жол жөндеу жұмыстарын да тексерді. Биылғы жылы жол инфрақұрылымын дамыту мақсатында әкімшілік-іскерлік орталығына іргелес орналасқан, яғни инфрақұрылымы толық аяқталған аймақтарда 106,3 шақырымды құрайтын 81 көшеге орташа жөндеу жұмыстарын жүргізу жоспарланған. Қазіргі таңда 58 көшеде жұмыс қарқынды жүргізілуде. Облыс орталығының даму қарқыны аймақ басшысының тікелей бақылауында.