Қырғызстан коронавирусқа байланысты төтенше жағдай жариялады

Сурет: gov.kg

Қырғызстан үкіметі коронавирусқа байланысты елдің барлық аумағында төтенше жағдай режимін енгізеді, — деп хабарлайды Tengrinews.kz тілшісі Министрлер кабинетінің баспасөз қызметіне сілтеме жасап.

Қырғыз Республикасының премьер-министрі Мұхаммедкалый Абылғазиев кеңес өткізіп, елдің Қауіпсіздік кеңесінің ұсынысына сәйкес Үкімет ел аумағында төтенше жағдай режимін енгізетінін хабарлады.

Үкімет басшысы Бішкек және Ош қалаларына, сондай-ақ, вирус жұқтырған адамдар тіркелген аудандарға ерекше назар аударылуы тиіс екенін атап өтті.

Еске салайық, Қырғызстанда қазіргі уақытта коронавирусты 12 адам жұқтырған. Олардың барлығы елге қажылықтан Сауд Арабиясы мен Кувейттен келген.

https://kaz.tengrinews.kz/kazakhstan_news/kyirgyizstan-koronaviruska-baylanyistyi-totenshe-jagday-306475/