Түркістан облысында заңсыз жұмыс істеп келген қылмыстық топ қолға түсті

Түркістан облысы аумағында ойын мекемелерінің жұмысын бақылайтын топтың заңсыз әрекеті тоқтатылды деп хабарлайды KAZ.NUR.KZ порталы.

Видеодан кадр

Қаржы мониторингі комитетінің хабарлауынша, Ұлттық гвардия жауынгерлерінің қатысуымен арнайы операция жүргізілген.

Шараны облыстық құқық қорғау қызметкерлері мұқият дайындап, алдын-ала жоспарлағаны белгілі болды.

Ұйымдасқан қылмыстық топ ұзақ уақыт Өзбекстанмен шектесетін екі ауданда (Мақтарал және Жетісай) жұмыс істеп келген.

Комитет күдіктілердің ақшаны «СтавкаБет» кеңселерінің заңды жұмыс істейтін желісі арқылы жымқырғанын түсіндірді.

Арнайы операция барысында бір уақытта ұйымдасқан қылмыстық топтардың бақылауындағы жеті мекемеде тінту жүргізілген.

Шымкент қаласында орналасқан топ жетекшісінің пәтерінен блокнот табылды. Онда 7 миллион доллар мен 7 миллиард теңге сомасындағы мүлікті заңдастыру туралы мәліметтер келтірілген.

Министрлік қазіргі уақытта қылмыстық топтың ұйымдастырушысы болып табылатын 25 нысан басшысы қамауға алынғанын айтты.

Олардың барлығы Шымкент пен облыс аумағында орналасқан. Нысандардың арасында көліктер, үйлер, мейрамханалар, жер учаскелері және басқа да бағалы мүліктер бар.

Одан бөлек, заңсыз ұйымның басқа мүшелеріне тиесілі он бір объект тәркіленді.