Шымкент қ. ПД Көші-қон қызметі басқармасының қызметкерлері қаладағы жоғары оқу орындарының шетелдік студенттерімен кездесті
Шымкент қ. ПД Көші-қон қызметі басқармасының қызметкерлері қаладағы жоғары оқу орындарының шетелдік студенттерімен кездесті
2019 жылдың 17-18 қазанында Шымкент қ. ПД көші-қон қызметі басқармасының қызметкерлері М.Әуезов атындағы Оңтүстік Қазақстан мемлекеттік университетінің, Оңтүстік Қазақстан педагогикалық университетінің, «Silk way» Халықаралық университетінің, Аймақтық әлеуметтік-инновациялық университетінің, академик А. Қуатбеков атындағы Халықтар Достығы университетінің, Оңтүстік Қазақстан медицина академиясының және «Мирас» университетінде кездесу ұйымдастырып, шетелдік студенттер үшін көші-қон заңнамасына байланысты мәселелер бойынша ақпараттық-консультациялық семинар өткізілді.
Полиция қызметкерлері шетел студенттеріне көші-қон есебі, Қазақстан Республикасының аумағына келу және кету тәртібі, көші-қон картасы жоғалған жағдайда не істеу керек екендігі туралы және Қазақстан Республикасының аумағында жұмысқа орналасу мәселелері бойынша түсіндірме жұмыстарын жргізді.
Кездесу барысында студенттер көкейлерінде жүрген сұрақтарға жауап алды. Жоғары оқу орындарының өкілдері мен студенттер полицейлерге ұйымдастырылған кездесу үшін алғыстарын білдірді.
Кездесу соңында Шымкент қаласы ПД Көші-қон қызметі басқармасының қызметкерлері өздерінің байланыс нөмірлерін қалдырды.
Шымкент қ. ПД-нің Баспасөз қызметі