Рақымшылыққа іліккен алғашқы адам бостандыққа шықты
Рақымшылыққа іліккен алғашқы адам бостандыққа шықты
© AP Photo / Gregorio Borgia
Рақымшылық аясында бостандыққа шыққандарға өмірге бейімделуге қолдау көрсетіледі
Қостанай облысында рақымшылыққа іліккен алғашқы адам бостандыққа шықты, деп хабарлады Sputnik Қазақстан.
Ресми мәліметке сәйкес, облыстағы түрмелерде шамамен 2 мың адам жазасын өтеп жүр.
«Конституцияның 30 жылдығына орай 300 адам рақымшылыққа ілігеді. Бүгін сол заң бойынша сотталғандардың алғашқы легі бостандыққа шықты», — делінген ресми хабарламада.
Рақымшылық аясында бостандыққа шыққандарға өмірге бейімделу жағынан қолдау көрсетіледі. Атап айтқанда, жұмысқа орналасу мен қажетті құжаттарды рәсімдеу жағынан көмек беріледі. Психологтар да өз қызметін ұсынады.
«Қоғамның осы адамдарға түсіністікпен қарап, қолдау жасағаны маңызды. Сонда олар қалыпты өмірге оралады, қоғамға пайдалы болады. Рақымшылық – бұл мүмкіндік. Оны ақылмен және үлкен жауапкершілікпен пайдалану қажет», — дейді мамандар.
