ҚОСАН МАМЫТОВ АЛЛЕЯСЫ АШЫЛАДЫ
ҚОСАН МАМЫТОВ АЛЛЕЯСЫ АШЫЛАДЫ
Төлеби ауданы Зертас ауылдық округі Спатай Аңдас көшесінде Ұлы Отан соғысының батыры Қосан Мамытов атындағы аллеяның құрылысы жүргізілуде. Аллея жобасының жалпы құны 6 млн 300 мың теңгені құраса, оның 3 млн 500 теңгесі жергілікті бюджеттен бөлінсе, қалған 2 млн 800 мың теңгесі ауыл тұрғындары жинаған.
20 жасында Ұлы Отан соғысына аттанып, 1-ші Беларусь майданы 3-ші әскер 120-шы гвардиялық атқыштар дивизиясы 336-шы гвардиялық атқыштар полкінің пулеметшісі болған Қосан Мамытовтың ерлігін бүгінгі ұрпаққа дәріптеу мақсатында батырдың бюсті орнатылмақ. Бұған қоса, аллеяға фонтан, қонақтардың тынығып, демалуына орындықтар қойылады.
Төлеби ауданы әкімінің баспасөз қызметі