ТҮРКІСТАННАН ТАШКЕНТКЕ ЖАҢА ХАЛЫҚАРАЛЫҚ ӘУЕ РЕЙСІ АШЫЛДЫ
ТҮРКІСТАННАН ТАШКЕНТКЕ ЖАҢА ХАЛЫҚАРАЛЫҚ ӘУЕ РЕЙСІ АШЫЛДЫ
Бүгін Түркістан қаласындағы Халықаралық әуежайдан «Түркістан-Ташкент» бағытында «Fly Arystan» әуе компаниясының ұшағы көкке көтерілді. Енді тұрақты рейстер әр аптаның дүйсенбі және бейсенбі күндері «Airbus А 320» ұшақтарында жүзеге асырылатын болады.
«Түркістан-Ташкент» бағытындағы билет бағасы — 9 999 теңгеден басталады. Қазақстандық лоукостердің баспасөз қызметі атап өткендей, Өзбекстан астанасына түйісу рейстері арқылы Нұр-Сұлтан мен Алматы қалаларынан да баруға болады. Аталған бағытта билеттерді брондау бүгінгі күннен басталды.
Түркістан облысының Өңірлік коммуникациялар қызметі
