Қожа Ахмет Ясауи атындағы Халықаралық қазақ-түрік университетінде шетелдік ірі ғалымдар, археологтармен «Түркістанға 3000 жыл» атты дөңгелек үстел өтті. Кездесуде Түркістан облысы әкімінің орынбасары Сәкен Қалқаманов, оқу орда басшысы Жанар Темірбекова,  ҚР Дүниежүзілік мұра ұлттық комитеті төрағасының орынбасары Дмитрий Воякин, ҚР ҰҒА академигі Ә. Марғұлан атындағы Археология институтының бас директоры Бауыржан Байтанаев, академик, Буниятова Шығыстану институты директорының орынбасары Мұстафаев Шайм, антропология департаментінің профессоры, Louis Вашингтон университеті Майкл Фрачетти,  археолог, ғылым докторы, археология институтының директоры, Татарстан Республикасы  Халикова Ғылым Академиясының корреспондент мүшесі Айрат Сидиков, археолог, тарих ғылымдарының докторы, Германия археологиялық институтының корреспондент мүшесі Виктор Зайберт қатысты.

Дөңгелек үстел өткізудегі негізгі мақсат, тарихы терең Түркістан қаласына 3000 жыл болғандығын тарихи деректер арқылы  жұртшылыққа көрсету.

Жиын барысында тарих ғылымдарының докторы, ҚР ҰҒА академигі және Әлкей Марғұлан атындағы археология институттың бас директоры Бауыржан Байтанаев:  «Түркістан ежелгі және ұлы қала, сондықтан ол қасиетті өлке. Бұл ерекше қаланың тарихы өте ежелде, көптеген ғасырлар бұрын басталған. 1990-2000 жылдары біз Түркістанның 1500 жылдығын атап өттік. Бірақ содан бері көп уақыт өтті. Біз бұл датаны атап өткен кездегі мәліметтер кеңестік және кеңес дәуірі болған, содан кейін Қазақстанның тәуелсіздігінің барлық жылдарында жүргізілген іргелі зерттеулер болған жоқ, ең қызықты Ежелгі Түркістанның урбанизациясының өзіндік терең тарихы бар.

Демек, біздің дәуірімізге дейінгі 15 ғасырда тайпалар осы территорияда өмір сүрген. Түркістан аумағындағы археологиялық кешендерді зерттей отырып, біз екі ежелгі қорымдарды ашамыз. Мұнда табылған жерлемелер мен атрибуттар біздің дәуірімізге дейінгі XV ғасырға жататыны сөзсіз. Бұл жәдігерлер мұнда өмір сүрген тайпалар мәйіттерді осында жерлегенін және осы қаланың аумағында өмір сүргенін көрсетеді», — деді. Дөңгелек үстелге жиналған археолог ғалымдар да өзара пікір білдіріп, ежелгі қаланы әлі де зерттеп зерделей түсу керектігін жеткізді.

Кездесу соңында университет басшысы келген қонақтар мен ғалымдарға оқу орда атынан «Қожа Ахмет Ясауидің хикметтері» атты университетіміздің қолдауымен жарыққа шыққан даналық кітапты және «Президент Назарбаев» қызғалдағының гүл шоқтарын тарту етті.

Түркістан облысы әкімінің баспасөз қызметі