Онлайн-брифингте ҚР Сыбайлас жемқорлыққа қарсы іс-қимыл агенттігінің өкілі Түркістан облыстық сотының азаматтық істер жөніндегі қазылар алқасы төрағасына қатысты қозғалған қылмыстық іс туралы айтты, деп хабарлады zakon.kz.

Оның айтуынша, сыбайлас жемқорлыққа қарсы қызмет Түркістан облыстық сотының азаматтық істер жөніндегі қазылар алқасы төрағасының пара алу фактісін анықтады.

— Қазіргі уақытта қылмыстық іс Шымкент қаласы Қаратау аудандық сотында қаралуда. Сот отырысының нәтижесі шыққан соң ол жария етіледі, — деді шенеунік.

Осы қылмыстық істі тергеу шеңберінде агенттік Жоғарғы Сот судьяларын тәртіптік жауапкершілікке тарту туралы Жоғарғы Сотқа ұсыныс жібергені белгілі болды.

Алайда ол Жоғарғы Сот судьяларының сот этикасы кодексін бұзуы туралы болжам расталмағанын атап өтті.