Түркістан облысында 5 жасар қызды өлтірген ер адамның бұрын не үшін сотталғаны белгілі болды. Бұл туралы Түркістан соттарының ресми парақшасында хабарланды, деп жазды Халық үні

Соттың мәліиетінше. Жібек жол ауыл округінде 5 жасар қызды зорлады және өлтірді деп күдіктелген азамат Г. 2006 жылы кісі өлтіргені үшін 10 жылға бас бостандығынан айырылған.

2016 жылы ол жазасын өтеуге байланысты босатылды. Аталған соттылық Құқықтық статистика және арнайы есепке алу жөніндегі комитетінің анықтамасына сәйкес 2022 жылы өтелген.

Ол 2023 жылдың мамыр айында денсаулыққа ауыр зиян келтіргені үшін сотталған. Ол жәбірленушімен алкогольді бірге ішіп, ауызша жанжалдан кейін оны тұрмыстық балтамен ұрған.

Сот осы қылмыстық істі қарау барысында кінәні жеңілдететін жағдайларға қарастырды. Бұл кінәні толық мойындау және жасаған ісіне өкіну, келтірілген зиянның орнын толтыру және жеңіл жаза тағайындауды сұраған жәбірленушіге кешірім беру. Сондай-ақ, үкім шығарылған кезде Г.-ның соттылығы болған жоқ, өйткені ол заң бойынша өтелді.

Кінәні ауырлататын жағдайлар анықталған жоқ.

Осыны ескере отырып, сот ҚК-нің 106-бабының 1-бөлігі бойынша Г. — ны кінәлі деп тауып, 3 жылға бас бостандығын шектеуге үкім шығарды. Жаза жәбірленушінің пікірін ескере отырып, аталған баптың санкциясы шегінде тағайындалады.

Үкімге апелляциялық шағым түспеген немесе наразылық білдірілмеген.

Үкім заңды күшіне енгеннен кейін сотталған Г. қылмыстық-атқару жүйесі органдарының пробациялық бақылауына берілді.

Айта кетейік, бұған дейін Түркістан облысында жоғалып кеткен 5 жасар қыз балвның денесі ауыл тұрғынының үйінен табылды.Президент Бас прокуратура мен Ішкі істер министрлігіне болған қайғылы оқиғаның мән-жайын мұқият тексеруді тапсырды.