ТҮРКІСТАН: КЕНТАУДА ЖАҢА АТШАБАР САЛЫНАДЫ
ТҮРКІСТАН: КЕНТАУДА ЖАҢА АТШАБАР САЛЫНАДЫ
Биыл Түркістан облысы, Кентау қаласында ұлттық спорт түрлерін дамыту мақсатында «Кентау-Қарнақ» автожолы бойындағы 10 гектар аумақта жаңа атшабар іске қосылады. Аталған спорт орталығының құрылысы алдағы көктемде жүргізіледі. Бұл кешен қала аумағында ұлттық спорттың дамуына өз септігін тигізеді.
![](http://turkistantimes.kz/wp-content/uploads/2022/02/274120526_256038553381720_5139807406240371703_n-300x162.jpg)
Жалпы алдағы уақытта Кентауда спорт нысандары едуір көбеймек. Шаһардағы «Кентау қалалық Б.Саттарханов атындағы №1 балалар мен жасөспірімдер спорт мектебі» коммуналдық мемлекеттік мекемесінің жанынан заманауи дене шынықтыру-сауықтыру спорт кешенін салу жоспарланған. Қазір жобалық-сметалық құжаттарын дайындау жұмыстары жүргізілуде. Сонымен қатар жеке кәсіпкерлер тарапынан да ұсыныстар түсіп, кіші спорт нысандарын салу жоспарлануда. Қала әкімі Дәурен Махажановтың бастамасымен бұл бағытта жұмыстар жалғасын таппақ.
![](http://turkistantimes.kz/wp-content/uploads/2022/02/274222625_256038573381718_3317944058063851197_n-300x222.jpg)
![](http://turkistantimes.kz/wp-content/uploads/2022/02/274145581_256048596714049_2059182240446139187_n-300x138.jpg)
Бүгіне кентаулықтардың спортқа қызығушылықтары артып келеді. Кентау қаласында және қалаға қарасты ауылдарда 180 спорт ғимараты жұмыс істейді. Оның ішінде: 1500 және одан жоғары орынға арналған трибунасы бар стадион – 1, спорт кешені – 3, оқ ату тирі – 3, спорт зал –38, спорт алаңдары – 128, теннис корттары – 2 және 5 жүзу бассейні бар.
Түркістан облысы әкімінің баспасөз қызметі