ТҮРКІСТАНДА РЕСПУБЛИКАЛЫҚ «МАРЖАН-ЖЫР» РЕТРО-АЙТЫСЫ ӨТТІ
ТҮРКІСТАНДА РЕСПУБЛИКАЛЫҚ «МАРЖАН-ЖЫР» РЕТРО-АЙТЫСЫ ӨТТІ
«Маржан-жыр» республикалық ретро-айтысына елімізге танымал айтыскерлер, атап айтсақ, Серік Құсанбаев, Шорабек Айдаров, Аманжол Әлтаев, Алтынкүл Қасымбекова, Бекарыс Шойбеков, Бөрібай Оразымбетов, Ақмарал Леубаева, Карима Оралова, Әбілқайыр Сыздықов, Мұхтар Ниязов және өзге де от ауызды, орақ тілді ақындар қатысып, өз өнерлерін көрсетті. Сонымен бірге Маржан ақынның ізбасар інілері мен шәкірттері де жырдан алқа тақты.
Айтысты ақын, Мұқағали Мақатаев атындағы сыйлықтың екі дүркін иегері, Қазақстанның еңбек сіңірген қайраткері Жүрсін Ерман жүргізіп отырды.
Маржан Есжанованың 50 жылдық мерейтойына арналған айтыста сыралғы қарсыластар ұшқыр ой мен ұтымды әзілдерін айтып, көрерменді серпілтті. Тарихи шаһарды, жаңарған Түркістанды жырлады. Рухани кеште Маржан Есжанованың кітабының таныстырылымы өтті. Зиялы қауым өкілдері мен қоғам қайраткерлері ақынның өнері мен еңбегін жоғары бағалап, шығармашылық табыс тіледі.
Түркістан облысы әкімінің баспасөз қызметі