ШЫМКЕНТТЕ ЕКІ МЫҢҒА ЖУЫҚ АЗАМАТ КӘСІПТІК БІЛІМ АЛДЫ
ШЫМКЕНТТЕ ЕКІ МЫҢҒА ЖУЫҚ АЗАМАТ КӘСІПТІК БІЛІМ АЛДЫ
Шымкент қаласы әкімдігінің халықты жұмыспен қамту орталығы мамандарының мәліметінше, қысқа мерзімді кәсіптік оқытуды тәмамдап, тиісті куәлігін алған азаматтар мемлекеттік грантқа қатыса алады. Оған қоса, жаңадан меңгерген мамандықтары заман талабына сай кәсіпорын немесе мекемелерге жұмысқа орналасуға зор мүмкіндік береді.
Мәселен, кәсіптік оқыту еңбек нарығында сұранысқа ие мамандықтар мен дағдылар бойынша кәсіптік даярлау, қайта даярлау және біліктілікті арттыруды қамтиды. Қысқа мерзімді кәсіптік оқытудан өту үшін қала тұрғындары халықты жұмыспен қамту орталығына келіп, жұмыссыз ретінде тіркелулеріне болады немесе Telegram желісіндегі @CZN_SHYMKENTBot жүйесі арқылы кезекке тұруларына мүмкіндіктері бар. Білім алушыларға ай сайынғы стипендия төленеді.
Шымкент қаласы әкімдігінің баспасөз қызметі