ШЫМКЕНТТЕ 2 АГРО-ИНДУСТИАЛДЫ АЙМАҚ ҚҰРЫЛАДЫ
ШЫМКЕНТТЕ 2 АГРО-ИНДУСТИАЛДЫ АЙМАҚ ҚҰРЫЛАДЫ
Мемлекет басшысының биылғы Жолдауында басым бағыттардың бірі ретінде – әлеуметтік маңызы бар азық-түлік тауарларымен өзімізді толық қамтамасыз ету керектігі айтылды. Шымкентте осы бағытта 2 бірдей агро-индустриалды аймағын іске қосу жоспарланып отыр.
Бұл туралы Шымкент қаласының әкімі Мұрат Әйтенов Президент жанындағы ОКҚ алаңында өткен баспасөз брифингте мәлімдеді.
– Біріншісі – аумағы 136 гектар жерге заманауи өнеркәсіптік жылыжай кешенін салу бойынша 28 жобаны іске асады. Екіншісі – «Бозарық» тамақ өнеркәсібі индустриалды аймағын құру жоспарлануда. Мұнда биологиялық қоспалары бар құнарлы құрама жем өндірісі және сүт өндіру зауыты бой көтереді,-деді Мұрат Дүйсенбекұлы.
Спикердің сөзінше «Бозарық» тамақ өнеркәсібі индустриалды аймағында шетел инвесторларымен бірлесе сүт, ет, жеміс пен көкөністі қайта өңдейтін, консервілейтін жобалар жүзеге асады деп жоспарланған.
Шымкент қаласы әкімдігінің баспасөз қызметі
