Лаңкестер Пәкістандағы қор биржасына шабуыл жасады: 7 адам қаза тапты

Лаңкестер Пәкістандағы қор биржасына шабуыл жасады: 7 адам қаза тапты

©️ Reuters©️ Reuters

Пәкістан қор биржасына лаңкестердің шабуыл жасауы кезінде жеті адам қаза тапты: бір полицей, төрт күзетші және екі қызметкер, — деп хабарлады Reuters.

Бұған дейін төрт лаңкес биржаның кіре берісінде граната жарып, атыс бастағаны хабарланған. Шабуыл кезінде екі адам қаза тауып, жеті адам жарақат алды.

Карачи полициясының бас инспекторы Ахмед Махар шабуылшылар полиция қызметкерлері қызметтен бос уақытында киетін форманы киіп алғанын айтады.

Кейін Пәкістан полициясы барлық лаңкесті ұстады. Ғимарат қабырғаларының жанында АК-47 автоматымен қаруланған екі адам қаза тауып, біреуінің көзі кіре берісте жойылды. Соңғысы ғимаратта жасырынып, 20 минут бойы тәртіп күзетшісінен тығылып, нәтижесінде өлтірілді.

«Төрт жауынгер Карачи қаласындағы Пәкістан қор биржасының ғимаратына шабуыл жасады, бірақ қауіпсіздік күштері олардың барлығын өлтірді», — деп хабарлайды Reuters.

Сондай-ақ, биржа директоры Абид Али Хабиб шабуылдаушылар автокөлікте биржаның жанында орналасқан тұраққа келіп, атыс бастағанын, сөйтіп биржа қызметкерлері үрей тудырғанын айтады. Агенттік хабарлағандай, ғимарат қызметкерлері атыс болған кезде кеңседе тығылып қалған.

Елдің ең үлкен биржасына шабуыл жасау үшін жауапкершілікті үш мемлекет — Пәкістан, Иран және Ауғанстан аумағында орналасқан Белуджистанның егемендігін талап ететін «Белуджистанның азаттық әскері» тобы өзіне алды.

https://kaz.tengrinews.kz/world_news/lankester-pakstandagyi-kor-birjasyina-shabuyil-jasadyi-7-310080/

Добавить комментарий

Ваш e-mail не будет опубликован. Обязательные поля помечены *