ШЫМКЕНТТЕ ӘКІМ КУБОГІ САРАПҚА САЛЫНУДА

ШЫМКЕНТТЕ ӘКІМ КУБОГІ САРАПҚА САЛЫНУДА

Бүгін көркем гимнастикадан Шымкент қаласы Әкімінің Кубогі жүлдесіне арналған ІХ Халықаралық турнирдің салтанатты ашылу рәсімі өтті.

2011 жылдан бері өтіп келе жатқан халықаралық турнирде бүгінге дейін 1493 спортшы бақ сынап, 71 алтын, 67 күміс, 59 қола медаль өз иелерін тапқан.

Ал биылғы айтулы додада 500-ге жуық спортшы жекелей және топтық бағдарламалар бойынша бақ сынайды.

Аталған жарыстың салтантты ашылу рәсіміне арнайы келген Шымкент қаласының әкімі Ерлан Айтаханов спортшыларға сәттілік тіледі.

«Спорт – денсаулық кепілі. Салауатты өмір салтын ұстану бәріміздің міндетіміз. Мемлекет басшысы Қасым-Жомарт Тоқаев Қазақстан халқына Жолдауында халықтың денсаулығын жақсарту мәселесіне айрықша назар аударған болатын. Бүгінде қайырымды қаламызда бұқаралық спортты дамытумен қатар, жоғары спорт шеберлігін одан әрі жетілдіру жұмыстары қолға алынып, спорт саласына барынша қолдау көрсетілуде. Осындай байрақты бәсекелерге қатысып жүрген жас спортшыларымыз алдағы уақытта әлемдік ареналарда топ жаратынына сенімім мол», — деді қала басшысы.

Айта кетейік, Әкім Кубогіне Өзбекстан, Қырғызстан, Украина елдерінен және Қазақстанның барлық қалаларынан командалар қатысуда. Олардың ішінде әлем, Еуропа және Азия чемпионаттарының, сонымен қатар, Евразия ойындарының жеңімпаздары мен жүлдегерлері де бар.

Шымкент қаласы әкімінің баспасөз қызметі

 

Добавить комментарий

Ваш e-mail не будет опубликован. Обязательные поля помечены *