Қырғызстаннан қашып кеткен экс-президент Асқар Ақаев Бішкекке жеткізілді

Қырғызстаннан қашып кеткен экс-президент Асқар Ақаев Бішкекке жеткізілді

Фото ©РИА Новости
Фото ©
РИА Новости

«Құмтөр» жобасын іске асыру кезінде сыбайлас жемқорлық ісі бойынша іздеуде болған Қырғызстанның бұрынғы президенті Асқар Ақаев Бішкекке жеткізілді, — деп хабарлады Tengrinews.kz тілшісі.

Қазіргі уақытта ол Ұлттық қауіпсіздік комитеті ғимаратында. Онда «Құмтөр» кен орнына байланысты қылмыстық іс төңірегінде қажетті тергеу әрекеттері жүргізіліп жатыр.

«Ақаев жоғары лауазымды шенеуніктермен бірге 1992 жылы «Құмтөр» жобасы бойынша бас келісім жасасу кезінде, 1994 жылы оған өзгерістер енгізу кезінде, сондай-ақ 2003 жылы «Камеко» компаниясымен бас келісімді қайта құрылымдау кезінде сыбайлас жемқорлық дерегі бойынша қылмыстық жауапкершілікке тартылды. Тергеу барысында «Құмтөр» жобасын жүзеге асыру кезінде сыбайлас жемқорлыққа қатысы бар барлық кінәлі тұлғаға құқықтық баға берілді», — делінген ҰҚК хабарламасында.

Хабарламада Ақаевты республика аумағына әкелу арқылы, қылмыстық жауапкершілікке тарту тұрғысынан тарихи әділеттілікті қалпына келтіруге бағытталған, белсенді жұмыстар жүргізілгені атап өтілді.

Добавить комментарий

Ваш e-mail не будет опубликован. Обязательные поля помечены *