Түркістан облысының бас полицейі 158 азаматты қабылдады

Түркістан облысының бас полицейі 158 азаматты қабылдады

Түркістан облысының бас полицейі 158 азаматты қабылдады

Түркістан облысында Президенттің «Халық үніне құлақ асатын мемлекет» тұжырымдамасына көшудегі міндеттерді жүзеге асыру мақсатында «Азаматтарды қабылдаудың бірыңғай күні» ұйымдастырылды, деп хабарлады ҚазАқпарат тілшісі.

Аталған шара аясында облыстық полиция департаментінің бастығы, полиция генерал-майоры Қайрат Дәлбеков қабылдауға алдын ала жазылған тұрғындармен «ZOOM» платформасы арқылы тілдесті.

Тұрғындардың мәселесін шешу мақсатында жоспарланған шараға департамент бастығынан бөлек орынбасарлары мен полиция басқарма, бөлімдерінің басшылары қатысты. Қабылдауға жазылған азаматтардың бір бөлігі тікелей эфир арқылы арыз-шағымын жеткізсе, енді бірқатары тергеушілердің тиянақты жұмысына алғыс айтты.

Арасында ішкі істер органына қызметке орналасу бойынша өз сауалын жолдағандар да болды.

Департамент бастығы азаматтардың мәселесіне мән беріп, тиісті сала басшыларына тапсырмалар жүктеді. Яғни, алдағы уақытта тұрғындар тарапынан түскен әрбір сауал бойынша жүйелі жұмыстар жүргізілетін болды.

«Полиция халыққа қолжетімді болуы тиіс. Әсіресе жұртқа жақын болуда учаскелік полицейлерге артылар жүк аз емес.

Олар әрдайым өз аумағындағы азаматтардың арыз-шағымына ден қойып, қылмыстардың алдын алу жұмыстарын жүргізіп отыруы керек»,-деді Қайрат Дәлбеков.

Айта кетейік, жыл басынан бері өңірдің бас полицейі 158 адамды қабылдаған болатын. Оның ішінде 69 тұрғынға онлайн режимде жауап берді. Олардан түскен сұрақтардың басым бөлігі өз мерзімінде шешімін тапқан.


https://www.inform.kz/kz/turkistan-oblysynyn-bas-policeyi-158-azamatty-kabyldady_a3723746

Добавить комментарий

Ваш e-mail не будет опубликован. Обязательные поля помечены *