Шымкентте ер адамның бассыз денесі табылды

Сотқа дейінгі тергеу басталды. Бұл бап бойынша кінәлі деп танылған адам 8 жылдан 15 жылға дейін сотталады

Жантүршігерлік оқиға Шымкенттегі саяжай аумағында болған. Күдікті уақытша ұстау изоляторына қамалды, тергеу жүргізіліп жатыр.

Жергілікті тұрғындардың айтуынша, оқиға 8 қараша күні таңертең болған. Бұталардың арасында ер адамның бассыз денесі табылды, деп жазады  Sputnik, кз  кзжергілікті Otyrar.kz басылымына сілтеме жасап. Полицейлер бірден аумақта тексеру жұмысын жүргізді.

«Мәйітті тауып, полицейлер фото және видео түсірді. Біздің ауданда қылмыс болмайтын. 20 жыл ішінде қылмыс жасалғанын естіген жоқпын. Полиция жедел қызмет етті, көмектескені үшін алғыс білдіреміз», — деді «Қайнар-Бұлақ» саяжай ауданының тұрғыны Қорғанбай Досметов.

Тергеу оқиғаның мән-жайын айтпай отыр. 2001 жылы туған күдікті ұсталғаны хабарланды.

Қылмыстық кодекстің 99-бабы 1-бөлігіне сәйкес («Адам өлтіру») сотқа дейінгі тергеу басталды. Бұл бап бойынша кінәлі деп танылған адам 8 жылдан 15 жылға дейін сотталады.

https://sputnik.kz/incidents/20201126/15578237/shymkent-er-adam-denesi.html

Добавить комментарий

Ваш e-mail не будет опубликован. Обязательные поля помечены *