ӨМІРЗАҚ ШӨКЕЕВ ҰЛТТЫҚ АЗА ТҰТУ ШАРАСЫНА ҚАТЫСТЫ

ӨМІРЗАҚ ШӨКЕЕВ ҰЛТТЫҚ АЗА ТҰТУ ШАРАСЫНА ҚАТЫСТЫ

Бүгін Түркістан облысында  Нұр-Сұлтан уақытымен сағат 12:00-де бүкіл ел бойынша бір минуттық үнсіздік жарияланды. Бұл туралы Президент Қасым-Жомарт Тоқаев жуырдағы Үндеуінде мәлімдеген болатын. Аза тұту шарасына Түркістан облысының әкімі Өмірзақ Шөкеев арнайы қатысып, коронавирустық инфекциядан қаза тапқандардың отбасыларына көңіл айтты.

« Құрметті түркістандықтар! Қадірменді жерлестер! 2020 жылғы 13 шілдені ел Президенті Қасым-Жомарт Тоқаев коронавирустық инфекциядан қаза тапқандарды еске алу    Ұлттық аза тұту күні деп жариялады.  Биылғы жылғы  коронавирустық инфекциясы әлем бойынша алапат шығын әкелді. Аталған дерттің салқыны елімізді де айналып өткен жоқ. Соңғы екі-үш айда қаншама отандастарымыз бен жерлестеріміз осы дерттен көз жұмып, қабырғамызды қайыстырып кетті.  Біздің мемлекетіміз үшін әрбір адамның өмірі қымбат. Десек те, аты жаман індеттен қаншама отбасы қара жамылып, ұл-қыздары,  туған-туыстары қайғы-қасіретке душар болды. Осы ретте мезгілсіз дүниеден өткен марқұмдардың туған-туыстары мен жақындарына қайғыларына ортақтасып, көңіл айтамын.  Қазақта «Тас түскен жеріне — ауыр» деген сөз бар, ендеше  бекем болыңыздар! Мен Сіздердің қайғыларыңызға ортақпын», — деді Өмірзақ Естайұлы.

Қазіргі таңда облысымызда Covid-19 індетінің алдын алу, сақтану, шектеу  және науқастарды емдеу, сауықтыру  шаралары мықтап қолға алынып отыр. Науқастарды емдеу, сауықтыру  мекемелерінде  төсек-орындар мен дәрі-дәрмек қоры  жеткілікті.  Осы ретте өңір басшысы облыс тұрғындарын қоғамдық орындарда әлеуметтік арақашықтықты сақтап, шектеу шараларын мейлінше ұстануға шақырды.

 

Добавить комментарий

Ваш e-mail не будет опубликован. Обязательные поля помечены *